47 нас хүрлээ, 50 хүрэхэд 3 хан жил дутуу яг энэ насан дээрээ гацчихмаар л санагдаж байна шүү

Энэ жилийн төрсөн өдөр маань хамгийн чимээгүй нам гүм болж өнгөрлөө. Муудах юм байхгүй дээ, болох ёстой л юм болдогоороо болж байгаа байх, ирэх нь ирж явах нь явж чи өөрөө болон чиний гэр бүл оршин тогтносоор л байгаа.

Хүслийн жагсаалт дээрээ бичсэнээсээ нэг хоёроор эхлүүлж байгаа, бага охиноо төгөлдөр хуур, ширээний теннисний дугуйланд явуулж байгаа зуны усанд сэлэлтийн сургалтад бүртгүүлчихсэн. Зундаа үеэл эгч ах дүү нартай нь хэсэг бужигнуулаад жоохон ч болтугай нийгэмшүүлж задалж авахгүй бол айлын ганц, хол зайтай хүүхдүүдийн жишгээр жоохон дасан зохицох, бие даах дархлаагүй болчих гээд байх шиг.

Дүүгээ хотоос авчирч хамт байгаагаараа арай л онцлог юм уу даа, гацаанаасаа гарч сайн сайханд тэмүүлээсэй, урам зориг орж амьдралын зорилго, гэрэл гэгээтэй болоосой гэж хүсч байна, залуу насандаа сэтгэлийн гацаанд орох хүсэлтгүйэ.

...

ЭМЭГТЭЙ ХҮНИЙ ХАРИЛЦААН ДАХЬ ААШ АРАНШИН

Бүр хамгийн өөрийгөө таньсан, ухаан суусан эмэгтэй ч буруу хүнтэй байвал өөрийнхөө эсрэг дүрд хувирч болно.

Хэрвээ эмэгтэй хүн хүүхэд шиг эрхлэж байвал —

Тэр жинхэнэ эр хүнтэй хамт байна.

Учир нь тэр аюулгүй, хайрлагдсан мэдрэмжтэй байна.

Хэрвээ тэр эх хүн шиг аашилж байвал —

Тэр нас биед хүрсэн хөвгүүнтэй хамт байна.

Тэр түүнийг өсгөх ёстой мэт ачаалал үүрч байна.

Хэрвээ эмэгтэй хүн эрэгтэй хүн шиг зан гаргаж байвал —

Тэр сул дорой эртэй хамт байна.

Хүчээр удирдагчийн үүрэгт татагдаж байна.

Хэрвээ тэр байнга түгшиж, баталгаа нэхэж байвал —

Тэр үнэнч бус эртэй хамт байна.

Эмэгтэйд итгэлийн асуудал байхгүй, харин тэр эрд л үнэнчийн асуудал бий.

Хэрвээ эмэгтэй хүн тогтворгүй, байнга явах тухай бодож байвал —

Тэр хамгаалж чаддаггүй эртэй хамт байна.

Тэр хүний оронд тэр өөрөө бүхнийг хамгаалж, тэмцэж байна.

Хэрвээ эмэгтэй хүн зогсолтгүй ажиллаж, зүтгэж байвал —

Тэр залхуу, хариуцлагагүй эртэй хамт байна.

Тэр санхүүгийн дарамтыг ганцаараа үүрч, зөрүүг нөхөхийг хичээж байна.

⸻

Үнэн нь: Эмэгтэй хүний ааш, зан ихэвчлэн түүнд ирж буй эрч хүчний тусгал байдаг.

Бүсгүй хүн бүр сүнслэг хөгжлөө бие даан туулдаг — Гэхдээ…

Харилцаа хүн бүрийг өөрчилдөг.

Бүр хамгийн өөрийгөө таньсан, ухаан суусан эмэгтэй ч буруу хүнтэй байвал

өөрийнхөө эсрэг дүрд хувирч болно.

⸻

Тиймээс…

Өөрийгөө сэтгэл гутралтай, хайртай зохицохгүй гэж дүгнэхээс өмнө:

Чи ямар төрлийн эрчүүдийг сонгож байв?

Тэд чамайг ямар дүрд тоглуулж байсан бэ?

Сайн эмэгтэй бол зөвхөн захирагдагч биш —

Тэр бас хариу үйлдэл үзүүлэгч юм.

⸻

Өөрийгөө буруутгахаасаа өмнө нэгийг бод…

Чиний сэтгэлийн дарамт, үймээн үнэхээр чамаас гарч байна уу?

Эсвэл тэр зүгээр л хариу үйлдэл юм биш биз?

— Амьдрал ба харилцааны зөвлөх, Ричард Алан Синнотт